lunes, 9 de febrero de 2015

XINGÁU DE LA CABEZA.

Nun ye que tea xingáu de la cabeza
pero la nieve se derrite na fastera norte
mientres escuende la pación de la sur
delantre la mio mirada que nun entiende.

Nun ye que tea xingáu de la cabeza
pero al entrar na peluquería
Tom Waits cortaba'l pelo a Bill Murray
delantre la mio mirada sorprendida.

Nun ye que tea xingáu de la cabeza
pero ende enriba La Rebollá
vi un xabalín onde solo había una oveya
con nitidez incuestionable.

Nun ye que tea xingáu de la cabeza
pero ante dos caminos escueyo'l difícil
pensando nel esguince y l'aselu
mientres tratu d'apagar el celebru primitivu.

Nun ye que que tea xingáu de la cabeza
pero a ver si va ser que sí...

Castrón.

No hay comentarios:

Publicar un comentario