viernes, 30 de enero de 2015

TOLOS POLÍTICOS SON FEOS Y LES POLÍTIQUES TAMIÉN (democracia uber alles)

Sálenme les pallabres xuníes
a los soníos qu'invaden el mio cerebru
ayer por casu
sonaba Cat Stevens
y volaron les pallabres col vientu
güei suenen los Dead Kennedys
y solo me vienen cuatro versos:

tolos políticos son feos
y les polítiques tamién
nun vaya dicir naide
que nun atiendo a la cuestión de xéneru

que ta la xente bien sensible
y tampoco quixera ofender

y nun falo d'aspectu físicu
nin de cares
nin de cuerpos
falo de la perversión de quienes entren nel xuegu
de dirixir la vida de los demás
xuegu en sí perversu
por bien bones intenciones que crean tener
suxetos que pasen a ser oxetos
en manos del capital xenocida
oxetos que xestionarán la muerte
de suxetos amenorgáos a oxetos
con camuflaxes más o menos aparentes los xestores
(y les y les):

democracia uber alles
democracia uber alles
uber alles democracia
uber alles democracia...

No hay comentarios:

Publicar un comentario