viernes, 9 de enero de 2015

LOS PERROS Y LES LLINDES

Una caña cortada
y otra caña cortada
pretenden cortar el camín:
al altu de la cintura
la más alta
a ras de suelu
la otra
y los perros que siempre pasen pol mediu
escontra l'amplia estensión qu'hai detrás
y corren
y dalguna vegada tres dalgún corzu vixilante
y otres siguen los rastros de los mesmos
o d'otros perros
o del xabalín
o del raposu
o de dalgún gatu
y corren
y corremos
y saltamos
y nun esiste más qu'esi tiempu plenu
ensin güei
nin mañana
nin más esmolición
que l'aire xeláu del anochecer...

Una caña cortada
y otra caña cortada
pretenden
cortar el camín
etcétera
y un señor nos corta'l pasu
y s'enfada
que ye la so propiedá
¡que tien un cachu de la tierra!
y la pisa una vegada al añu
y s'enfada porque nun saben los perros
de llindes
nin fronteres
de propiedaes privaes
nin catastros
y disfruten de los cachos de tierra teníos
y abandonaos
y de que yo si conozo de toes eses mierdes
y nin m'importen
y me la pelen
les llindes
y les fronteres
les propiedaes privaes
y los señores enfadaos
asina como l'etcétera.

No hay comentarios:

Publicar un comentario