jueves, 29 de enero de 2015

EL VIENTU FURIOSU DE LA CIUDÁ

Una menada de neños pasaos d'hora
peligrosos
imprevisibles
una cuerda de fanáticos relixosos
por estos y otros llugares
anudando la so soga alredor del pescuezu
del pensamientu y la dulda
una recua de salvadores autoproclamaos
queriendo decidir por toos nós
que pa qué va daqué a variar
mil ochocientos siete coches topetando en cadena
a cientu setenta kilómetros per hora
millones d'esquirles de cristal llanzaes pola furia
d'una esplosión na fábrica cristalera
dellos cientos d'árboles lluchando por desapegar los sos raigaños del cementu
y tornar a la so tierra prometida
quince muros esmigayando'l formigón que-yos suxetaba
dos teyaos cayendo sobre la cabeza
de trés transeúntes despistaos...

asina sentí y m'asustó va un cachu
el vientu furiosu de la ciudá.

No hay comentarios:

Publicar un comentario