lunes, 12 de enero de 2015

COLES MANOS ATAES

Coles manos ataes poles cuerdes mentales
pa nun espelleyame'l cuerpu
fechu costra l'ochenta per cientu

amanezo ente piel muerta
y sangre irreprimible del suañu 
qu'allegría que me queden los suaños
y esta gana de vivir
a pesar de médicos ataos
poles cadenes mentales
d'un sistema de salú
por parceles llendaes

va ser el monocultivu lo que ta matándonos
va ser que nos quieren a toos
ensin conciencia del too
de ser un too xuníu
a cada parte
a cada too

pero siguen les mios manos ataes
poles cuerdes mentales
pa nun espelleyame'l cuerpu
fechu picor
dolor
resquemor
al noventa per cientu
d'enerxía emplegada en que nun marchen
estes ganes de vivir
que pa pocu más doi güei
mientres los cultivadores especialistes de bata blanca
pónense d'alcuerdu  en si quitar les llendes
o non.

Depués ta la puta economía.

No hay comentarios:

Publicar un comentario