jueves, 4 de diciembre de 2014

MANIPULACIÓN BARATA DE LA RUTINA


Escuérrenos l'agua estación tres estación
nun hai velocidá sobre dos raíles que sía a dexala tras
golpea les cristaleres con violencia
paez amenaciar los nuesos cuerpos fráxiles
un yá te voi garrar ye l'ecu del so ataque suicida
pero ye guapa l'agua tres
los cristales
al calor del viaxe llentu
como son guapes les tardes de domingu de paisaxes empapaos
de güesos moyaos
tres los cristales soñaos
de la tierra prometida
del llar añorado
ente les selmanes ensin sentíu...

pero anque sían estos versos
versos en ruta
como tolos mios versos
anque amenaciaos pola agua que golpea los cristales
que pica y repica contra'l metal refundiada pela nube gafa que robó l'amanecer a esti día
quiciabes resentida pola so fugacidad inevitable
anque'l tonu pudiera nun paecer demasiao optimista
el tren va llegar al so destín
y l'agua tan fiero pintao
va afalagar les nueses cabeces
va empapar con suavidá los nuesos cuerpos
va ser xuxuríu de llibertá
y tol restu del poema
manipulación barata de la rutina..


No hay comentarios:

Publicar un comentario