martes, 23 de diciembre de 2014

FELIZ CARIDÁ

Cuando va querer el dios del cielu
que la tortiella se vuelva
que los probes coman pan
que los ricos mierda mierda
(Chicho Sánchez Ferlosio)

Vergonzante entrecomillado
como axetivu de probeza
lleo asustáu
cuando vós sois la única vergoña
perpetuadores de la inxusticia

¡feliz navidá!
glayáis
too ta entós allumáu
les cais
les ventanes
los escaparates comerciales
y los probes
ai de los probes
probes ellos
que feliz navidá
ensin nada que llevase a la boca
ensin nada qu'estrenar de ropa
ensin xuguetes que regalar a los sos neños probes
probes neños probes
hai que igualo
iguémoslo
agora que nos llamamos tol mundu
y tol mundu ye bonu
colo que somos bonos
bien bonos diría
el súmmum de la bondá
agora que glayamos
¡feliz navidá!
y vamos a les nueses fundaciones
eses coles que llavamos la conciencia
eses coles que llavamos el dineru
eses coles que safamos los impuestos
que mira tu qu'imponenos
a nós los imponedores
y vamos dicía a les nueses fundaciones
y activamos la caridá
¡caridá!
¡caridá!
¡que ye navidá!
¡feliz caridá!
pidíi probes probes nuesos
que los vuesos deseos van ser concedíos
pidíi los alimentos que vos presten
pidíi xuguetes pa los vuesos probes neños probes
que yá vos daremos lo qu'os deamos
eso sí nun suañéis con daqué meyor
qu'un pocu d'embutíu plastiqueño
que les raspies de los pexes que nun queremos
nun vos acostuméis al bon xintar
y devaluéis les nueses meses
nin tanto con xuguetes nuevos
que yá vos fadremos llegar esos
qu'aburrieron a los nuesos neños tan guapinos
ah
y nun vos vayáis quexar inda
de la nuesa arrogancia ilimitada...

Puaghhh
(fala agora cualquier común)
fundaciones a la mierda
que vergoña
ye la vuesa esistencia
y vergoña sois los ricos
y vergoña sois los sos palmeros
y vergoña ye esti sistema
y vergoña son tolos sistemes
que primen sobre lo humanu lo político
y vergoña ye'l texíu social
que tapa cola so acción toa la vuesa mierda

vergoña
vergoña
y más vergoña.

A tomar pol culu.

No hay comentarios:

Publicar un comentario