miércoles, 5 de noviembre de 2014

DE LES DECEPCIONES


acabes acostumándote

a les decepciones
digo

tres les primeres vas sentir como' l to universu
fúndese atraíu per un gran furacu negru
pero un día va amanecer
que tolos díes amanez
y vas sentir que too xira alredor de too
y vas atopar nueves órbites alredor de les que xirar
y volverá haber puntos de convergencia
ya idees nueves
y nuevos suaños
pallabres que van construir
pallabres
aldegues de pallabres
de idees bultables
y suaños
ya idees
y materia
vas sentite irreductible
un Obelix cayíu na marmita

pero otru día tamién
eso va entamar derrumbase
que nun hai construcción humana
qu'aguante al tiempu
y al humanu mesmu
creador y destructor
masa d'opuestos en constante confrontación
y te vas sentir de nuevu atraíu
escontra la inmensa escuridá
solo qu'esta vegada el furacu paez más alloñáu
y ye poca la fuerza que t'emburria

y asina
vegada tres vegada
hasta que'l dolor nun ye más que molestia
tropezón
inconveniente...

nada.

No hay comentarios:

Publicar un comentario