martes, 21 de octubre de 2014

TEORIZANDO COLA MANGA

La capacidá d'adaptación
y la capacidá de desadaptación
son directamente proporcionales
a la capacidá de suxestión de cada quién
porque vamos ver si non:
?cómo esplico qu'en viviendo cuatro décades na cuidá
y dos años nel campu
baxé esti día del tren en Xixón
trés tres selmanes ensin salir del pueblu
y sentí como too'l formigón cayía sobre la mio cabeza
mientres l'asfaltu mazcaba los mios pies
y afogábame ente'l fumu qu'esprendíen los sestos pisos
por nun falar de les cinco vegaes que quixi devolver
y creyí que nun sedría enxamás quién
a percorrer el kilómetru que me dixebraba del mio destín
esllumáu por toles faroles apagaes
metíu nún bucle infinitu
como infinitu sentí'l camín de miraes agresives
como infinitu sentí'l sudor nel que me desfixi...

Otra vegada la primera estrofa.

Acabóse.

No hay comentarios:

Publicar un comentario